ეპიცენტრი რუსთაველზე – პტოტესტი ამ წუთებშიც გრძელდება. პარლამენტის მიმდებარე ტერიტორიაზე, სადაც 11 კარავია გაშლილი.

საკანონდებლო ორგანოს წინ 24 საათის განმავლობაში ოპოზიციური პარტიის წარმომადგენლები, სამოქალაქო აქტივისტები და უბრალო მოქალაქეები იმყოფებიან და ვადამდელ არჩევნებს მოითხოვენ.

ოპოზიცია პარლამენტის პიკეტირებას 2 მარტს გეგმავს – ამის შესახებ ოპოზიციის წევრებმა საკანონმდებლო ორგანოსთან განაცხადეს და ერთობლივი განცხადება წაიკითხეს.

ოპოზიციის თქმით, 5 მარტს მთავრობის ადმინისტრაციის პიკეტირება მოხდება. ხოლო 9 მარტს, შინაგან საქმეთა სამინისტროსთან აქცია გაიმართება.

მათი თქმით, 11 მარტს აქცია სასამართლოსთან გაიმართება, “რომელიც გადაიქცა მურუსიძის ჩინჩალაძის და ყველაზე მნიშვნელოვანი – უსამართლობის და პოლიტიკური მართლმსაჯულების მთავარ სიმბოლოდ”.

“13 მარტს აქციების ბოლოში ჩვენ კიდევ ერთხელ პარლამენტთან ვიკრიბებით ერთად, ბევრნი, და, რა თქმა უნდა, ეს იქნება კიდევ ერთი ძალიან მნიშვნელოვანი მარში და აქცია თავისუფლებისთვის,” – ამბობენ ოპოზიციონერი ლიდერები.

Leave a Reply