ბესო ჩუბინიძე
28 წლით დაგვიანებული ჩემი სათქმელი ვისაც ჯერ არს!!!
27.09.1993 – 27.09.2021
გმირები ვართ, არააა?!
მადლობა ჩვენ, რომ საქართველო ჩვენი სისხლით მოგიტანეთ აქამდე, არაა?
მადლობა, რომ თავი გავწირეთ არაა?!
მადლობა, რომ პატარა ბიჭები დავიხოცეთ, დავიჭერით, ფსიქოლოგიურად გავნადგურდით და ავირიეთ და დეპრესიულები ვართ, არაა?!
მადლობა, რომ დღეს ჩვენით ხართ ცოცხლები, ჯანმრთელები, ლამაზები და კარგები, არა?!
მადლობა, რომ სიტყვის თავისუფლება გაქვთ არაა?!
მადლობა, რომ გეობა – პიროვნული გამოხატვის თავისუფლებაა და ფემინისტკობა კი, ძლიერ ქალობა არაა?
ჩემი სახელმწიფოს ყველა (!) დროის, ყველა ხელისუფალო!
გირჩში გაიკვეხეთ თქვენი ცარიელი მადლობა და გვერდში მაშინ დაგვიდექით, როცა ეს ჩვენ, ამ გმირებს გვჭირდება ჩვენთვის საჭირო დროს!!!
რადგან როცა ჩვენ გჭირდებოდით – კაბინეტებში არ დავმალულვართ, უარი არ გვითქვამს ომზე და ბრძოლაზე და თქვენსავით არ გავქცეულვართ ბრძოლის ველიდან!
არც გარანტიები მოგვითხოვია ომიდან ცოცხლად დაბრუნებისთვის და არც კუანა ფარისევლების მჭერმეტყველებას დავუკერივართ!
ჩვენ, უბრალოდ – ავდექით და ომში წავედით! რა გავაკეთეთ რომ წავედით, წავაგეთ არააა?…. წავაგეთ და თქვენც გიხარიათ ყელშიბოღმამოწოლილები, რომ ხმას ვეღარ ვიღებთ ხოლმე ხშირად, არაა?
და თუ ხმა ამოვიღეთ დააა… – „რას გვაყვედრით“ და „რა დამსახურება გაქვთ ერის წინაშეო“, ამ კითხვებით, რომ ხახაში გვივარდებით და ტრაკუცუნობთ, ეგ გემაყებათ არაა?
აქ, ვირტუალურ სამყაროში რომ მმმაგრები, ძლიერები, იმედიანები და მიუწვდომელნი ხართ, ეეგ გეიმედებათ არაა?….
აქ, „თავისუფალი სიტყვის“ სამყაროში რომ გვბლოკავთ, პოსტებს გვისაჩივრებთ და გვარეპორტებთ და გგონიათ ამით, რომ გვაჩუმებთ…
მაინცდამაინც ცინკის კუბოში ჩაყრილი გვამები უნდა მიიტანონ, არაა ჩვენს სახლებში, რომ 100,000 ლარით შეაფასოთ მერე ჩვენი სიცოცხლე?!
ყველა მეომრის სახელით გეუბებით მე თქვენ – გვერდში დაგვიდექით, როცა ჩვენ გვჭირდებით, თორეეემ…. ომი ისევ იქნება და თქვენ ისეც ჩასვრილები დაიმალებით და ისევ ჩვენი გადასარჩენები იქნებით, მმმაგარო პოლიტიკანებო, ერისა და სამშობლოს კეთილდღეობისთვის „მებრძოლნო“ და მოლაყბენო!
27 სექტემბერს ომი არ დამთავრებულა! ომი ისევ გრძელდება ხომ ხედავთ?! მეც ჯერ ისევ ცოცხალი ვარ და ათასობით ჩემზე ბევრად მაგარი ბიჭებიც, საქართველოს ნამდვილ გმირებს, რაც არ უნდა ჩირქი მოსცხოთ – ადამიანებად მაინც დარჩებიან!
28-ედ დაგტირი 27-ო სექტემბერო….