ევოპარლამენტარები სათანადოდ იღებენ საქართველოს ცენტრალური საარჩევნო კომისიის მიერ გამოცხადებულ მონაცემებს, რომელთა თანახმად, „ქართული ოცნების“ კანდიდატებმა მიიღეს ხმების 46%-ზე მეტი და დაძლიეს 43%-იანი ბარიერი, რომელიც ევროკავშირის შუამავლობით 19 აპრილს მიღწეული შეთანხმებით გამოიწვევდა ვადამდელ საპარლამენტო არჩევნებს.

ამასთან, ევროპარლამენტარები აღნიშნავენ, რომ საარჩევნო კამპანია გამოირჩეოდა პოლიტიკური ძალების და მედიასაშუალებების მკვეთრი პოლარიზაციით, რასაც ზოგჯერ თან ახლდა სიტყვიერი და ფიზიკური დაპირისპირებაც კი. ევროპარლამენტის დეპუტატთა შეფასებით, ხშირად პირადი თავდასხმები დომინირებდნენ პოლიტიკურ დეპატებზე, რაც ამომრჩეველს ართმევდა ინფორმირებული არჩევანის შესაძლებლობას.

ევროპარლამენტართა განცხადებით საფუძვლიანად უნდა იყოს გამოძიებული ადმინისტრაციული რესურსების გამოყენება და ფართოდ გავრცელებული მტკიცება მოსყიდვის და კანდიდატების, ამომრჩევლების და ჟურნალისტების დაშინების შესახებ.

Leave a Reply

Your email address will not be published. Required fields are marked *