ირაკლი მაკალათია
ეკონომისტი
პუტინი არ გავაბრაზოთ?!
პუტინის რუსეთს არ უნდა ჩვენი ეკონომიკური განვითარება. რაც უფრო განუვითარებლები ვიქნებით, მით უფრო დამოკიდებული ვიქნებით რუსეთზე. ეკონომიკურ თავისუფლებას თუ მივაღწევთ, დამოუკიდებლები ვიქნებით რუსეთისა და მისი პოლიტიკური გავლენებისგან.
რუსეთს ჩვენი განცხადებები კი არა, ჩვენი განვითარება აბრაზებს. რუსეთის ბორკილებისგან განთავისუფლება აღიზიანებს პუტინს. თუ გაბრაზებაა, ზუსტადაც რომ გავრილოვის ღამის შემდეგ აქციებს უნდა გაებრაზებინა, ან გიორგი გაბუნიას მონოლოგის მერე დავებომბეთ…
პუტინი მაინც იმას აკეთებს რაც უნდა. აქციებით გააბრაზებ თუ არა, მაინც გადმოწევს საზღვრებს და მიგიერთებს. და რაც უფრო სუსტები ვიქნებით, მით უფრო მარტივად და სწრაფად მოახერებს ამას
რუსეთის არ გაბრაზება ნიშნავს ჩვენს ეკონომიკურ ჭაობს!
ეკონომიკურ ჭაობში კი ბევრი ადამიანი იხოცება, ფიზიკურადაც და მორალურადაც.
თუ რუსეთს არ გავაბრაზებთ, ნიშნავს რომ ჭაობში ვიქნებით
თუ დროულად გავიაზრებთ ჩვენს შესაძლებლობებს და ჭაობიდან სწრაფად ამოვალთ, ვიქნებით დამოუკიდებლებიც და ძლიერებიც, განვითარებული ქვეყნებისთვის სასურველი მოკავშირეც და თავისუფლები.