ცოტა რამ 
მიშა ხაჩიძესთან ერთად.
უმძიმესი დღე ისრაელისთვის: ხუთშაბათს, 20 თებერვალს, ღაზის სექტორიდან დაბრუნდა ტყვეობაში დახოცილი ოთხი მძევლის ცხედარი – ოდედ ლიფშიცის, შირი ბიბასისა და მისი შვილების კფირისა და არიელის, რომლებიც გახდნენ 7 ოქტომბრის ტრაგედიისა და გატაცებულთა გათავისუფლებისთვის ბრძოლის სიმბოლოები.
ცხედრების წითელი ჯვრისთვის გადაცემის პროცედურა დილით ხან იუნესის გარეუბანში გაიმართა. სცენა სასაფლაოს მახლობლად, გვირაბის შესასვლელთან დაიდგა, სადაც ჰამასმა მძევლების კუბოებით ცინიკური „შოუ“ მოაწყო.