ნანა ბაგალიშვილი – ცოდნის კაფეს დამფუძნებელი
ნინო დობორჯგინიძე – ილიას სახელმწიფო უნივერტსიტეტის რექტორი
ქეთი მოლაშვილი – ცოდნის კაფეს დამფუძნებელი
-ცოდნის კაფეს დამფუძნებლები, როგორც ილიას სახელმწიფო უნივერსიტეტი • Ilia State Universityს საჯარო პოლიტიკის ადმინისტრირებისა და კულტურის მენეჯმენტის პროგრამების კურსდამთავრებულები
ვეხმიანებით „ქართული ოცნების“ განათლების სამინისტროს გადაწყვეტილებას, რომლის მიხედვითაც ილიას სახელმწიფო უნივერსიტეტმა სტუდენტები უნდა მიიღოს მხოლოდ პედაგოგიკის პროგრამებსა და ABET აკრედიტაციის მქონე STEM მიმართულებებით, ხოლო ყველა სხვა პროგრამა უქმდება
ჩვენ მიგვაჩნია, რომ აღნიშნული გადაწყვეტილება წარმოადგენს უმაღლესი განათლების სისტემაში მასშტაბურ ნეგატიურ ჩარევას, რომელიც:
• გაანადგურებს კონკურენციას უნივერსიტეტებს შორის
• შეამცირებს პროგრამების განვითარებას
• კიდევ უფრო ნაკლებად მიმზიდველს გახდის საქართველოს სახელმწიფო უნივერსიტეტებს მაღალი აკადემიური მოსწრების აბიტურიენტებისთვის
• წაართმევს სტუდენტებს არჩევანის თავისუფლებას
• საფრთხეს შეუქმნის აკადემიური თავისუფლების პრინციპს
არ გასაჯაროებულა ბაზრის საჭიროებების კვლევა, რომლის საფუძველზეც მიიღეს ეს გადაწყვეტილება. შესაბამისად გვაქვს საფუძვლიანი ეჭვი, რომ კვლევა არც კი ჩატარებულა.საზოგადოებას არ ეცნობა, ვინ ჩაატარა აღნიშნული კვლევა, რა მეთოდოლოგიით და რა მონაცემებზე დაყრდნობით.
ასევე არ ჩატარებულა ფართო საჯარო კონსულტაციები აკადემიურ წრეებთან, უნივერსიტეტებთან და დასაქმების ბაზრის წარმომადგენლებთან.
ერთი უწყების ან ვიწრო ჯგუფის მიერ, ფარდის მიღმა მიღებული გადაწყვეტილებები ეწინააღმდეგება თანამედროვე დემოკრატიული განათლების სისტემის სტანდარტებს
ილიას სახელმწიფო უნივერსიტეტში სწავლის პარალელურად, ჩვენ შევქმენით „ცოდნის კაფე“, სოციალური და საგანმანათლებლო ინიციატივა, რომელიც დღეს უკვე ეროვნული მასშტაბის პროექტად იქცა
სწორედ მრავალფეროვანმა აკადემიურმა გარემომ, ჰუმანიტარული და სოციალური მეცნიერებების პროგრამებმა მოგვცა შესაძლებლობა გვემოქმედა, შეგვექმნა და განგვევითარებინა ახალი იდეებიჩვენ მოვითხოვთ:
აღნიშნული გადაწყვეტილების დაუყოვნებლივ შეჩერებას;
უმაღლესი განათლების პოლიტიკის შემუშავებას ისეთი ხელისუფლების პირობებში, რომელსაც ექნება სრული დემოკრატიული ლეგიტიმაცია როგორც ქვეყნის მოქალაქეებისგან, ასევე საქართველოს სტრატეგიული პარტნიორებისგან