თეონა ჭალიძე
მე, როცა 2014 წელს ისნის რაიონის გამგეობიდან, სამსახურიდან უკანონოდ გამიშვეს. არ მქონდა ადვოკატის დაქირავების არანაირი საშუალება. სწორედ მაშინ არასამთავრობო ორგანიზაცია ,,კონსტიტუციის 42-ე მუხლი“ და მათი იურისტი ანზორ ხატიაშვილი დამიდგა გვერდით და ის საქმე 4 წლის შემდეგ სამივე ინსტანციის სასამართლოში მოვუგეთ ქართული ოცნების ხელისუფლებას. რომ არა ეს შესაძლებლობა მე სამართალს ვერ მივაღწევდი.
ახლა მივმართავ იმ ადამიანებს, ვისაც პირველ რიგში შეეხება რუსული კანონის შედეგები სოციალურ ჭრილში. ვიცი რომ სოციალურად დაუცველის სტატუსი მქონე პირები და ის ადამიანები ვინც სხვადასხვა სოციალურ სერვისებს იღებთ სახელმწიფოსგან განსაკუთრებით დიდი წნეხის ქვეშ ხართ, თქვენ შეიძლება იძულებულს გხდიან რომ მიიღოთ მონაწილეობა 29 აპრილს დაგეგმილ სამთავრობო აქციაში, მაგრამ ეცადეთ გაუწიოთ წინააღმდეგობა და არ დადგეთ ქვეყნის მოღალატეების გვერდით. საქართველოში მილიონ ორასი ათასი ადამიანია სოციალური პროგრამების ერთიან ბაზაში, რაც იმას ნიშნავს რომ ამდენი ადამიანის სოციალურ-ეკონომიკური მდგომარეობა მძიმეა და პირველ რიგში რუსული კანონის შედეგემი მძიმედ სწორედ მათზე აისახება სოციალურ ჭრილში. გთხოვთ, გაიხსენეთ რამდენჯერ ყოფილხართ ისეთ სიტუაციაში როცა დაგჭირდათ სამართლებრივი დახმარება, იურიდიული კონსულტაცია, სასამართლოში წარმომადგენლობა.
გაიხსენეთ თქვენთვის უფასოდ რამდენი სერვისი მიგიღიათ არასამთავრობო ორგანიზაციებისგან, რამდენ თქვენგანს დახმარებია სხვადასხვა საერთაშორისო დაფინანსებით განხორციელებული პროექტი ახალი პროფესიის შეძენასა თუ საკუთარი საქმის დაწყებაში. გაიხსენეთ რამდენი ძალადობის მსხვერპლი ქალისა თუ ბავშვის იმედი და რეალური მხარდაჭერის მიღების შესაძლებლობა ყოფილა არასამთავრობო ორგანიზაციები. გაიხსენეთ რამდენ თქვენგანს ან თქვენგანის შვილს მიუღია სხვადასხვა სასწავლო პროექტსა და ტრენინგში მონაწილეობა, რასაც საკუთარი რესურსით ვერ შეძლებდით. გაიხსენეთ თქვენი კეთილდღეობისთვის რამდენ პრობლემურ საკითხზე ადვოკატირება გაუწევიათ ამ ორგანიზაციებში დასაქმებულ პირებს. ეს გაკეთებული საქმეები და სტატისტიკური მონაცემები მრავლისმთქმელია და ნათლად წარმოაჩენს ვინ მტერია და ვინ მოყვარე. ამ ყველაფრის გარეშე უნდათ რომ დაგვტოვონ და მაშინ როცა ჩვენ დაგვჩაგრავენ, ჩვენში თქვენც გგულისხმობთ და საკუთარ თავსაც, არავინ აღარ იქნება ამ ქვეყანაში ვინც ჩვენს უფლებებს დაიცავს და უსამართლობას წინაღმდეგობას გაუწევს.
ვერავინ ვეღარ გააშუქებს მედიაში ჩვენს გასაჭირს და შესაბამისად ხალხსაც ვერ მივაწვდენთ ხმას. სავალალო იქნება რუსული კანონის შედეგები სოციალურ ჭრილში. ამიტომ თითოეული თქვენგანის პოზიცია გადამწყვეტია.
