გალიდან ზუგდიდისკენ შემოვლითი გზით წამოსული ოთხი ადამიანიდან სამის ცხედარი ნაპოვნია. არსებული ინფორმაციით, ისინი მდინარის ფეხით გავლის დროს, ადიდებულმა წყალმა გაიტაცა. დაკარგულების შესახებ ოჯახებმა ქართულ მხარეს აცნობეს, თუმცა, ამბობენ, რომ მათ არავინ დაკონტაქტებიათ.
“წამოვიდა 4 კაცი და დაიკარგა. არ ვიცით წყალმა მოუსწრო, არ ვიცით რა დაემართათ, დაიკარგა 4 ადამიანი. ჰესიდან წყალი გამოუშვესო და ეტყობა მოუსწრეს. ან გაუხსნან გზა, რამე უშველონ ხალხს”, – ამბობს ადგილობრივი.