ნინი შამათავა
ტელეკომპანია ახალის გუნდმა აქცია „ჩვენ ერთმანეთს ვჭირდებით’’ უფრო მასშტაბური გახადა და შექმნა მოძრაობა ერთად, ნიმუში იმისა , თუ რა ძალა აქვს თანადგომას , ერთ მუშტად შეკვრასა და გაერთიანებას.
მოძრაობაში ერთვებიან რიგითი მოქალაქეები , ორგანიზაციები , სხვადასხვა სფეროს წარმომადგენოლები , რომლებიც გვაძლევენ თავიანთი ხელით შექმნილ ნივთებსა , თუ ნამუშევრებს , რომელთაც ვყიდით. ნივთის შემქმნელისავე დაწესებული თანხის 80 % მას გადაეცემა, ხოლო 20% ირიცხება მოძრაობის ანგარიშზე, რათა შევძლოთ კეთილი საქმის რგოლის სხვა ადამიანებზე მორგებაც.
პირველი გაჩერება წნორშია, შშმ პირთა მშობელთა კავშირმა ულამაზესი სასანთლე უსახსოვრა მოძრაობას , ხელნაკეთი ნივთი გადაცემის გასვლიდან სულ რაღაც 1 საათში შეიძინა ქართველმა ემიგრანტმა
გიორგი ჭაბაშვილმა, პოზიტიურმა და უკეთილშობილესმა ადამიანმა, საკუთარი ხელით დამზადებული 4 ნივთი გადმოგვცა , ემიგრაციაში მყოფმა მზია კანდელაკმა კი ოთხივე ნივთი შეიძინა , ჩვენ კუთვნილი თანხით დავეხმარეთ ბატონ გიორგის , რომელსაც ჯანმრთელობის პრობლემების გამო ნამდვილად ესაჭიროებოდა გვერდში დგომა. დარჩენილი 20 % შევმატეთ მოძრაობას.
ლუდა დუნდუამ გადმოგვცა ულამაზესი ნახატი , რომელიც ემიგრანტმა, ნატა შალიკაშვილმა, შეიძინა . ქალბატონი ლუდა კიდევ უამრავი ნახატის შექმნას დაგვპირდა , როგორც თავად ამბობს „ ეს ის დროა, როცა ყველა ერთმანეთის გვერდით უნდა დავდგეთ ‘’
უნდა ითქვას რომ ჩვენი ჯაჭვის ერთ-ერთი რგოლი და მუდვმივი მხარდამჭერია მაკა ხეცურიანი, ქალი , რომელიც მანძილმა ვერ დააბრკოლა და ამერიკაში ყოფნის მიუხედავად საქართველოში ქველმოქმედებას ეწეოდა.
მოძრაობა ერთად არ შემოიფარგლება მხოლოდ გამოფენა- გაყიდვით
ჩვენ გულთან ახლოს მიგვაქვს თქვენი, ნებისმიერი მოქალაქის პრობლემა, გავაშუქებთ და თქვენ სათქმელს შესაბამის სტრუქტურებამდე მიივიტანთ , რათა რაც შეიძლება მალე გამოგიწოდონ დახმარების ხელი .
შემოგვიერთდით და გახდით უწყვეტი ჯაჭვის ერთ-ერთი რგოლი !