,,ქართული ოცნების“ დეპუტატმა შალვა პაპუაშვილმა ,,საია“ შარლ მიშელის შეთანხმების ჩაშლის მცდელობაში დაადანაშაულა. ამასთან დაკავშირებით ის სოციალურ გვერდზე წერს:
“ახალგაზრდა იურისტთა ასოციაციის აღქმით, ევროკავშირისა და აშშ–ის ჩართულობით ევროპული საბჭოს პრეზიდენტის შარლ მიშელის მიერ შედგენილი დოკუმენტი საერთაშორისო სამართალს არღვევს.
შეთანხმების წარუმატებელი ჩაშლის გამო “ნაციონალური მოძრაობა” და “ევროპული საქართველო” მისი აღსრულების ჩაშლას რომ ცდილობენ, ეს გასაგებია, მაგრამ, საია–სგან, სიმართლე გითხრათ, ცოტა არ იყოს და არ მოველოდი. რა ვიფიქრო, არც კი ვიცი“,-წერს პაპუაშვილი.