საარჩევნო რეფორმის ფარგლებში განიხილება წინადადება, რომ არჩევნებში ID ბარათები მეტი ინტენსივობით იყოს გამოყენებული.
“ქართული ოცნების” წევრის, ანრი ოხანაშვილის თქმით, არსებობს აღსრულების გარკვეული პრობლემები, რომლის მოგვარებაზეც მსჯელობა მიმდინარეობს.
“ჩვენი მთავარი საზრუნავია, რაც შეიძლება სწრაფად, ეფექტიანად და მოქნილად შევთავაზოთ ჩვენს მოქალაქეებს კომფორტული სერვისი, რომ ყოველგვარი გართულების გარეშე მოხდეს საარჩევნო პროცესში ჩართვა. ერთ-ერთ საკითხად განიხილება ისიც, რომ ხომ არ იქნება სწორი, გადავიდეთ მეტი ინტენსივობით ID ბარათების გამოყენებაზე, თუმცა, ამას თან სდევს გარკვეული პრაქტიკული პრობლემები, აღსრულების ნაწილი და ა.შ. რაზეც ვმსჯელობთ,”-განაცხადა ანრი ოხანაშვილმა.