შინაგან საქმეთა მინისტრის თქმით, 5-6 ივლისს თბილისში განვითარებული მოვლენების დროს, გამოყვანილი იყო იმდენი სამართალდამცველი, რისი საშუალებაც იყო. ვახტანგ გომელაური არ ეთანხმება კრიტიკას იმასთან დაკავშირებით, რომ პოლიცია არასათანადოდ იცავდა მედიის წარმომადგენლებს მოძალადე ჯგუფებისგან. აღნიშნულ თემაზე შს მინისტრმა პრეზიდენტის სასახლიდან გამოსვლის შემდეგ ისაუბრა, სადაც მისი თქმით, სალომე ზურაბიშვილს ბოლო დღეებში განვითარებულ მოვლენებზე და პოლიციის მიერ ჩატარებულ ღონისძიებებზე ესაუბრა.
ამასთან ვახტანგ გომელაურის თქმით ხელისუფლება შესაბამის პასუხისმგებლობას იღებს, რაც შეეხება მის მიერ თანამდებობის დატოვებას, შს მინისტრმა განაცხადა, რომ გარკვეული ძალები ამაზე ოცნებობენ.
ვახტანგ გომელაური პარლამენტში მის დაბარებასაც გამოეხმაურა და აღნიშნა, რომ ამას თავისი წესები აქვს და როცა საჭირო იქნება საკანონმდებლო ორგანოში მაშინ მივა.