ევროკომისიის რეკომენდაცია

ევროკომისიის რეკომენდაცია ასეთია:

უკრაინას და მოლდოვას ევროკავშირის წევრობის პერსპექტივა და ახლავე ევროკავშირის კანდიდატის სტატუსი გარკვეული პირობებით; საქართველოს ევროკავშირის წევრობის პერსპექტივა და წინაპირობები მომავალში სტატუსის მისაღებად.

პოლიტიკური პოლარიზაციის დასრულება და პარტიებს შორის თანამშრომლობა 19 აპრილის შეთანხმების შესაბამისად;

სახელმწიფო ინსიტუტების სრულყოფილი ფუნქციონირება მათი ეფექტური ანგარიშვალდებულებისა და დემოკრატიული ზედამხედველობის ფუნციების გაძლიერება;

საარჩევნო კანონმდებლობის გაუმჯობესება, ეუთოსა და ვენეციის კომისიის რეკომენდაციების გათვალისწინება;

გამჭვირვალე და ეფექტური მართლმსაჯულების რეფორმის სტრატეგია და სამოქმედო გეგმა ინკლუზიური, პარტიათაშორისი კონსულტაციით; ისეთი სასამართლოს უზრუნველყოფა, რომელიც სრულად და ნამდვილად დამოუკიდებელი, ანგარიშვალდებული და მიუკერძოებელია სრული სასამართლო ჯაჭვის გასვწვრივ, უზრუნველყოფილი უნდა იყოს ძალაუფლების დანაწილება;

მთელი სამართლებრივი და საპროკურორო ინსტიტუტების სათანადო ფუნქციონირება და სანდოობა, განსაკუთრებით უზენაესი სასამართლოს, ყველა დონეზე მოსამართლეთა და გენერალური პროკურორის ნომინირების პროცესში გამოვლენილი ხარვეზების აღმოფხვრა;

იუსტიციის. უმაღლესი საბჭოს ძირფესვიანი რეფორმა და საბჭოში ვაკანტური წევრების დანიშვნა;

ანტიკორუფციული სააგენტოს გაძლირება, მთავარი ანტიკორუფციული ფუნქციების გაერთიანება და მაღალი დონის კორუფციის შემთხვევებზე რეაგირება;

სპეციალური საგამოძიებო სამსახურისა და პერსონალურ მონაცემთა დაცვის სამსახურის სათანადო რესურსებით უზრუნველყოფა მათი მანდატის შესაბამისად და ინსტიტუციური დამოუკიდებლობის უზრუნველყოფა;

დეოლიგარქიზაციის პასუხისმგებლობის აღება, გადაჭარბებული გავლენის აღმოფხვრა ეკონომიკის, პოლიტიკის და საჯარო ცხოვრებაში;

ორგანიზებული დანაშაულის წინააღმდეგ ბრძოლის გაძლიერება საფრთხეების დეტალური ანალიზზე დაფუძნებით, საფუძვლიანი გამოძიების, და მართლმსაჯულების აღსრულების დემონსტრირებით. სამართალდამცავი უწყებების ანგარიშვალდებულების გარანტირება;

ძალისხმევის გაძლიერება რომ უზრუნველყოფილი იყოს თავისუფალი, პროფესიული, მრავალფეროვანი და დამოუკიდებელი მედია გარემო, კონკრეტულად მედიის მფლობელების მიმართ სისხლისსამართლებრივი საქმეები უნდა აკმაყოფილებდეს უმაღლეს იურისიდულ სტანდარტებს და უნდა დაიწყოს მიუკერძოებელი, ეფექტური და დროული გამოძიებები ჟურნალისტების და მედიის სფეროს სხვა წარმომადგენლების მიმართ უსაფრთხოების რისკებზე;

სწრაფი მოქმედება მოწყვლადი ჯგუფების უფლებების დაცვის მხრივ, მათ შორის დამნაშავეთა და ძალადობის ორგანიზატორთა უფრო ეფექტური პასუხისმგებლობის კუთხით;

ძალისხმევის გაძლიერება გენდერული თანასწორობისა და ქალთა მიმართ ძალადობის წინააღმდეგ;

სამოქალაქო საზოგადოების ჩართულობა გადაწყვეტილების მიღების პროცესში ყველა დონეზე;

კანონმდელობა, რომელიც უზრუნველყოფს რომ საქართველოს სასამრთლოებმა პროაქტიულად გაითვალისწინონ ECHR გადაწყვეტილებები;

დამოუკიდებელი კანდიდატის ნომინირება ომბუდსმენის პოზიციაზე და ამ პროცესის გამჭვირვალობა, სახალხო დამცველის ინსტიტუტის ეფექტური ინსტიტუციური დამოუკიდებლობის უზრუნველყოფა. ევროკომისია დააკვირდება საქართველოს პროგრესს ამ მიმარტულებებით და გამოსცემს შესაბამის ანგარიშს 2022 წლის ბოლომდე.