ჩემი, როგორც ვიცე-პრემიერის ფუნქცია იქნება კოორდინაცია…

საქართველოს პრემიერ-მინისტრის განცხადებით, მთავრობაში ორი ვიცე-პრემიერი იქნება. როგორცმთავრობის დღევანდელ სხდომაზე გიორგი გახარიამ აღნიშნა, ვიცე-პრემიერებად მაია ცქიტიშვილი და დავით ზალკალიანი დაინიშნებიან. 

“საქართველოს პირველი ვიცე-პრემიერი ეკონომიკური საკითხების მიმართულებით და კურატორი ეკონომიკური მიმართულებით, ეს გახლავთ ქალბატონი მაია ცქიტიშვილი.

საქართველოს მთავრობის კიდევ ერთი ვიცე-პრემიერი იქნება საგარეო საქმეთა მინისტრი, ბატონი დავით ზალკალიანი,” – აღნიშნა პრემიერ-მინისტრმა.

-ჩემი, როგორც ვიცე-პრემიერის ფუნქცია იქნება არა მხოლოდ ინფრასტრუქტურისა და რეგიონული განვითარება, არამედ იმ ქმედებების კოორდინაცია, რომელიც ეკონომიკურ ბლოკს აერთიანებს, – ამის შესახებ მთავრობის სხდომის შემდეგ გამართულ ბრიფინგზე ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშილმა განაცხადა.

„ჩვენ უნდა გამოვიყენოთ კრიზისი როგორც შესაძლებლობა. ამასთანავე, მაქსიმალურად უნდა შევუწყოთ ხელი ბიზნესს, ეკონომიკის აღდგენას, რათა უფრო სწრაფად დავძლიოთ ეს კრიზისი. ჩვენთვის მთავარი ამოცანა იქნება, რომ რაც შეიძლება სწრაფად დავძლიოთ ყველა გამოწვევა, რომელიც დგას ქვეყნის წინაშე. კიდევ ერთხელ ვადასტურებ ჩვენს მზაობას, ძალიან აქტიურად ვიმუშაოთ ამ მიმართულებით. ბუნებრივია, ჩემი, როგორც ვიცე-პრემიერის ფუნქცია იქნება არა მხოლოდ ინფრასტრუქტურისა და რეგიონული განვითარება, არამედ იმ ქმედებების კოორდინაცია, რომელიც ეკონომიკურ ბლოკს აერთიანებს“, – განაცხადა ცქიტიშვილმა.

Leave a Reply

Your email address will not be published. Required fields are marked *

*