მერია ახალი მიკროავტობუსების შესყიდვას გეგმავს.
300 ახალი მიკროავტობუსის შესყიდვაზე სატრანსპორტო კომპანიამ ტენდერი უკვე გამოაცხადა.
სატენდერო დოკუმენტაციის თანახმად, წინადადებების მიღება დაიწყება 29 აპრილს და დასრულდება 4 მაისს. შესყიდვების სავარაუდო ღირებულება 35 919 468 ლარია.
სატენდერო პირობების მიხედვით, მიკროავტობუსები უნდა იყოს არაუადრეს 2021 წლისა, ყველა ავტობუსი უნდა იყოს ლურჯი (მეტალიკა ) ფერის და ერთი მარკის და მოდელის. გარდა ამისა, თითოეული უნდა იყოს არანაკლებ 17 მგზავრზე გათვლილი.