„ნაციონალური მოძრაობა“, „გირჩი მეტი თავისუფლება“, „ლელო“ და „დროა“ პარასკევს თბილისში, 3 ლოკაციაზე აქციებს გამართავს. ამის შესახებ „ლელოს“ ოფისში გამართული კონსულტაციების შემდეგ გამართულ ბრიფინგზე ნიკა მელიამ, ზურაბ ჯაფარიძემ, მამუკა ხაზარაძემ და ბადრი ჯაფარიძემ განაცხადეს.
ოპოზიციის ლიდერების თქმით, აქციები 15:00 საათზე მეტროსადგურებთან „ვაგზლის მოედანი“, „ავლაბარი“ და „უნივერსიტეტი“ დაიწყება. ვაგზლის მოედანზე აქციას „ლელო“ ჩაუდგება სათავეში, ავლაბარში „ნაციონალური მოძრაობა“, უნივერსიტეტთან კი „გირჩი მეტი თავისუფლება“ და „დროა“. შეკრების შემდეგ აქციების მონაწილეები მსვლელობებს გამართავენ.