,,მინდა, მოსახლეობას მოვუწოდო რეგულაციების მაქსიმალური დაცვისკენ“- ირაკლი ღარიბაშვილი

პრემიერ-მინისტრ ირაკლი ღარიბაშვილის განცხადებით, ეპიდემიოლოგიური სიტუაცია მძიმდება, ამიტომ საჭიროა მეტი ყურადღება და პასუხისმგებლობა გამოვიჩინოთ.

ამის შესახებ პრემიერ-მინისტრმა განცხადება მთავრობის სხდომაზე გააკეთა.

„რა თქმა უნდა, ჩვენ ყველაფერი უნდა გავაკეთოთ იმისთვის, რომ არ დავუშვათ მესამე ტალღა და თავი ავარიდოთ მკაცრ შემზღუდავ ღონისძიებებს, ამის ერთადერთი მექანიზმი არის რეგულაციების დაცვა. პირბადის სწორად ტარება, ყველა ტიპის ხალხმრავალი შეკრებებისგან, მათ შორის სოციალური ღონისძიებების ორგანიზებისგან თავის შეკავება – ეს ის ელემენტარული დათმობებია, რომელზეც ჩვენი სიცოცხლისა და ჯანმრთელობის დაცვის გამო უნდა წავიდეთ, მანამ ვიდრე ვაქცინაცია დაგვიცავს. მინდა, მოსახლეობას კიდევ ერთხელ მოვუწოდო ამ რეგულაციების მაქსიმალური დაცვისკენ“, – განაცხადა პრემიერ-მინისტრმა.

Leave a Reply

Your email address will not be published. Required fields are marked *

*