თბილისის საქალაქო სასამართლოში ნიკოლოზ ბასილაშვილის სასამართლო პროცესი მიმდინარეობს. გავრცელებული ინფორმაციით, დღეს ჩვენებას ფსიქოლოგები მისცემენ, ხოლო პროცესი კი მოწმეთა დაკითხვით გაგრძელდება.
სასამართლო პროცესის დაწყებამდე ნელი დოროყაშვილის ადვოკატმა, ანა თავხელიძემ განაცხადა, რომ ერთ-ერთმა ფსიქოლოგმა ბავშვის შეფასება მოახდინა, მეორე ფსიქოლოგმა თავად ნელი დოროყაშვილის მდგომარეობა შეაფასა.
“ამ ეტაპზე საქმეზე გრძელდება საქმის არსებითი განხილვა და იკითხებიან ბრალდების მხარის მოწმეები. რამდენადაც ჩვენთვის ცნობილი, დღევანდელი პროცესზე დაიკითხებიან ფსიქოლოგები და ასევე, შესაძლებელია ერთ-ერთი მოწმეც დაიკითხოს, საუბარია დაზარალებულის მეგობარზე. ჩვენთვის წინსწრებად ცხადია, არ არის ცნობილი, როგორ განვითარდება მოვლენები. მოლოდინი გვაქვს, რომ ისინი დაადასტურებენ იმ ინფორმაციას, რაც გამოძიებას მიაწოდეს და კიდევ ერთხელ დაარწმუნებს სასამართლოს მათი ჩვენებები, რომ ძალადობა სისტემატიურად ხორციელდებოდა სხვადასხვა ფორმით ნელი დოროყაშვილის მიმართ” – განაცხადა ანა თავხელიძემ.
შეგახსენებთ, რომ ჩოგბურთელ ნიკოლოზ ბასილაშვილს ყოფილ მეუღლეზე ფიზიკურ, ფსიქოლოგიურ და ეკონომიკურ ძალადობას ედავებიან.