არჩევნების მეორე ტურზე ფორმულას ჟურნალისტ ლიკა ლეჟავაზე განხორციელებული თავდასხმის ფაქტზე შინაგან საქმეთა სამინისტრომ მოკვლევა დაიწყო. ამის შესახებ ტელეკომპანია ფორმულას წერილობით აცნობეს.
“შსს-მ როგორც იქნა დაიწყო მოკვლევა, თუმცა გამომძიებელი ამ ეტაპზე არ დამკავშირებია. როგორც ვიცი, ჩვენს კომპანიას გამოუგზავნეს წერილი, სადაც ისინი გვაცნობებენ, რომ დაწყებულია მოკვლევა იმასთან დაკავშირებით, რაც მოხდა ზედა მესხეთში”, – ამბობს ჟურნალისტი ლიკა ლეჟავა.
ფორმულას ჟურნალისტ ლიკა ლეჟავას არჩევნების მეორე ტურზე, 30 ოქტომბერს წყალტუბოს მუნიციპალიტეტის სოფელ ზემო მესხეთში პროფესიული საქმიანობის შესრულების დროს ქვა ესროლეს და სიტყვიერი შეურაცხყოფა მიაყენეს.
წყარო: FORMULA.GE